Óvænt gjöf

Í dag fór ég að kjósa mér fulltrúa á stjórnlagaþing. Alveg óvænt gilti atkvæði mitt meira en helmingi meira en búast mátti við. Um 60% þjóðarinnar treystu okkur sem kusu til að kjósa fyrir sig og ráða hverjir sitja þingið. Ætla má að þetta fólk vilji ekki jafna vægi atkvæða þegar það eftirlætur öðrum allt atkvæði sitt. Eru það skilaboðin til þingmanna frá þessum hópi að þeim sé sama um lýðræðið? Eitt er víst að ekki þýðir fyrir þetta fólk að kvarta undan einu né neinu. Það fékk tækifæri til að kjósa sér fulltrúa til að smíða nýjan lagagrundvöll, en gaf það frá sér til okkar hinna

Athugasemdir

[Dagný (IP-tala skráð) 27.11.2010 kl. 23:56]

Nákvæmlega, sennilega hefur atkvæðið mitt aldrei haft annað eins vægi.

[Jónína Lárusdóttir (IP-tala skráð) 29.11.2010 kl. 16:20]

Íslendingum er ekki við bjargandi. Ég veit ekki hvað fólk á skilið.